اسلام آباد، اپريل28، 2021. ملکى توقعات پر ہمیشہ کى طرح پورا اترتے ہوئے کرونا کى وبا کے تناظر میں پاکستان ایٹمى تونائى کمیشن نے ملکی وسائل سے تیار کردہ پہلا و ینٹى لیٹر i-Live کے نام سے متعارف کروایا ہے
یہ و ینٹى لیٹر پاکستان ایٹمى توانائی کمیشن کے سائنسدانوں اور انجنئیر ز نے مقامى وسائل سے تمام تر مروجہ طبى معیارات کےمطابق تیار کیا ہے۔ اس سلسلے میں پاکستان ایٹمى توانائی کمیشن کے ہسپتالوں کے ڈاکٹر صاحبان نے بھى قابل قدر رہنمائی فراہم کى۔ بہت سى سائنسى جانچ کے علاوہ یہ وینٹی لیٹر پاکستان انوویشن اینڈ ٹیکنالوجی سنٹر PITC اور پاکستان انجنئیر نگ کونسل PEC کے معیارات پر بھى پورا اترا ہے۔ اس وینٹیلیٹرمشین پر جناح ہسپتال لاہور میں بھى جانچ کى گئى ۔ اس جانچ میں بہت سے ماہرین جن میں طبى ماہرین اور بائیو ٹیکنالوجی اور بائیو میڈیکل انجنئیر ز شامل تھے اس کو کامیاب قرار ديا ہے۔ پاکستان ایٹمی توانائی کمیشن کے ترجمان جناب شاہد ریاض خان نے پریس کو بتایا کہ آج ڈریپ نے ایٹمی توانائی کمیشن کے تیار کردہ اس وینٹى لیٹرکے استعمال اور تیاری کی با قائدہ منظوری دے دی ہے اور اس طرح یہ ملک میں تیار کردہ پہلا وینٹیلیٹر ہےجسے ڈریپ نے منظور کیا ہے۔ اس موقع پاکستان ایٹمى توانائی کمیشن کے سربراہ جناب محمد نعیم ( ہلال امتیاز ۔ ستارہ امتیاز ) نے سائنسدانوں اور انجنئیر ز کو مبارکباد پیش کرتے ہوئے اس یقین کا اظہار کیا کہ ڈریپ کی اس فائنل منظورى کے بعد، I-Live نامى اس و ینٹى لیٹر کى بڑے پیمانے پر تیارى شروع کردى جائے گى تاکہ کرونا وبا کے دنوں میں مریضوں کو جلد از جلد یہ سہولت مہیا کى جاسکے۔
